«Բարգավաճ Հայաստան» կուսակցության մամուլի քարտուղարը Տիգրան Ուրիխանյանը հրաժարվել է այդ պաշտոնից: Այս տեղեկությունը NEWS.am-ի թղթակցի հետ զրույցում հաստատեց Տիգրան Ուրիխանյանը:
Նա նշեց, որ ինքը մնում է քաղաքականության մեջ, ժողովրդի կողքին է: Հարցին, թե հնարավոր է Տիգրան Ուրիխանյանը դառնա ԲՀԿ խմբակցության քարտուղար, պատգամավորն ասաց, որ ոչ մի այլ հարցի պատասխան չունի:
Ի դեպ, ժամեր առաջ «Ֆեյսբուքի» իր էջում նա գրել էր հետեւյալը. «Շնորհակալություն եմ հայտնում իմ հարգելի գործընկերներին` բոլոր լրագրողներին այս տարիների համագործակցության համար: Ցանկանում եմ ընդգծել, որ ինձ համար մեծ պատիվ է եղել ձեզ հետ աշխատելը, և այս խոսքերը վերաբերվում են բոլորին առանց բացառության, այդ թվում նրանց, ում հետ աշխատանքային վեճեր կամ տարակարծություններ են եղել»: