Ռուսաստանցի ընդդիմադիր գործիչ Բորիս Նեմցովի սպանությունն այսպես թե այնպես կապված է Ուկրաինայում տեղի ունեցող իրադարձությունների հետ: Այս մասին հայտարարել է ՆԱՏՕ-ի գլխավոր քարտուղարի տեղակալ Ալեքսանդր Վերշբոուն, հաղորդում է BBC-ն:
«Բորիս Նեմցովի դաժան սպանությունից հետո մենք տեսնում ենք, որ զոհեր կան ոչ միայն Ուկրաինայի արեւելքում: Թեւ մենք չգիտենք, ով է քաշել ձգանը, մենք հասկանում ենք, որ Բորիս Նեմցովը ժողովրդավարության պաշտպան էր եւ Ուկրաինայի իրադարձություններին Ռուսաստանի միջամտության հակառակորդ, այսինքն նրանցից մեկն էր, որոնց ռուսական պաշտոնական քարոզչությունն անվանում է «դավաճան» եւ «5-րդ շարասյուն»,-ասել է Վերշբոուն:
Նա նշել է, որ Ռուսաստանի համար ավելի ու ավելի դժվար է դառնում թաքցնել բնակչությունից մեծ թվով ռուս զինվորականների մահը Ուկրաինայի արեւելքում, հաղորդում է Gazeta-ն:
Ավելի վաղ հայտնի էր դարձել, էր Բորիս Նեմցովի օգնական Օլգա Շորինան Reuters գործակալությանը ցուցադրել է մի գրություն, որը Նեմցովն իրեն է տվել սպանության նախօրեին: Այնտեղ նշվում է Իվանավոյից դեսանտայինների մասին, որոնք դիմել են իրեն օգնության խնդրանքով: