Facebook-ն ու Google-ը ստուգել են նախագծերի թողարկումը, որոնք ապագայում անվճար ինտերնետ-ռեսուրսներով կապահովեն մոլորակի դժվար հասանելի վայրերը:
Ամերիկյան սոցիալական ցանցը մտադիր է աշխարհի 100 երկրներում անվճար համացանց ապահովել հատկապես այնպիսի ռեսուրսների համար, ինչպիսիք են Wikipedia-ն եւ Facebook-ը: Այդ նպատակով էլ ընկերությունը ստեղծել է Internet.org ծրագիրը:
Ընկերության աշխատակիցների խոսքով, նշված ծրագրի մեջ ներառվելու են աշխարհի այն երկրները, որտեղ բնակիչների չնչին տոկոսն է օգտվում համացանցից, ինչպես նաեւ պետություններ, որտեղ ինտերնետ հասանելիություն ընդհանրապես չկա:
Ըստ Planet-today-ի, ծրագիրը, որին մասնակցելու են Զամբիան եւ Քենիան, արդեն տարին է գործում: Այսպես, Պարագվայում Internet.org-ի օգնությամբ տեղի բնակիչների շրջանում համացանցի օգտագործումն աճել է 30%-ով, իսկ Տանզանիայում ծրագրի շնորհիվ 10 անգամ ավելացել է սմարթֆոնների վաճառքը:
Ինչ վերաբերում է Google-ին. կորպորացիան ձեռնարկել է Լoon խոշոր նախագիծը, որի գլխավոր նպատակն օդապարիկների օգնությամբ արբանյակային կապի ստեղծումն է: Դրանք ապագայում կկարողանան համացանցով ապահովել մոլորակի դժվար հասանելի վայրերը: