Երեւանում վճարային տերմինալ թալանողների գործով եւս մեկ հանցադրվագ է բացահայտվել:
Ինչպես տեղեկացրել էինք՝ Երեւանի Կասյան փողոցում գտնվող վճարային տերմինալից 37.300 դրամ գողանալու համար մարտի 1-ին հայտնաբերվել եւ ոստիկանություն բերման էին ենթարկվել 23-ամյա Վահան Մ.-ն եւ 26-ամյա Տիգրան Պ.-ն:
Ոստիկանության մամուլի ծառայությունից հայտնում են, որ ձեռնարկված միջոցառումների շնորհիվ պարզվել է, որ նրանք հունվարին Երեւանի Գ. Նժդեհի փողոցի թիվ 2 հասցեի մոտ տեղադրված սուրճի ապարատից, տեխնիկական միջոցների գործադրմամբ, գողացել են 20.000 դրամ:
Կատարվում է քննություն: