Հայոց ցեղասպանության 100-րդ տարելիցի առիթով ֆրանս-գերմանական «ARTE» մշակութային հեռուստաալիքն ապրիլին երկու ֆիլմ կցուցադրի: Այս մասին գրում է «Nouvelles d'Arménie» պարբերականը:
Ապրիլի 27-ին հեռուստաալիքը կցուցադրի Պաոլո եւ Վիտտորիո Տավիանիների «Արտույտների ագարակը» ժապավենը, որում նկարահանվել են Պաս Վեգան, Մորից Բլայբտրոյը, Անխելա Մոլինան, Անդրե Դյուսոլիեն եւ այլք: Իսկ ապրիլի 28-ին կներկայացնի Բերնար Ժորժի փաստագրական նոր ֆիլմը՝ «Հայերի վրեժը. Թեհլերյանի դատավարությունը»: Ֆիլմի սցենարի հեղինակը Լորանս Շասսեն է:
