Փրկարար ծառայությունը մարտի 6-ին, ժամը 17.14-ին ահազանգ է ստացել, որ Սեւան–Հրազդան ավտոճանապարհին տեղի է ունեցել ՃՏՊ, կա տուժած. դուրս բերելու համար անհրաժեշտ է փրկարարների օգնությունը:
Դեպքի վայր է մեկնել մեկ մարտական հաշվարկ:
Պարզվել է, որ Մ-4 միջպետական ավտոճանապարհի Երեւան-Սեւան 47-կմ-ի հատվածում «Օպել» մակնիշի 33 LV 656 պ/հ ավտոմեքենան (վարորդ` Ա. Ք., ծնվ.1977թ.) դուրս է եկել ճանապարհի երթեւեկելի հատվածից եւ կողաշրջվել:
Մինչ հրշեջ-փրկարարների կանչի վայր հասնելը` տեղի ուժերով ավտոմեքենան ուղղվել է, ուղեւոր Ա. Ս.-ն (ծնվ. 1964 թ.) տեղափոխվել է Հրազդան քաղաքի ԲԿ, որտեղ բժիշկները տուժածի առողջական վիճակը գնահատել են բավարար:
Հրշեջ-փրկարարները հոսանքազրկել են ավտոմեքենան եւ դուրս բերել ճանապարհի երթեւեկելի հատված:
