NEWS.am-ի աղբյուրների փոխանցմամբ, Շիրակի մարզի Մայիսյան գյուղի հարակից տարածքում ինչ-որ շինությունում հայտնաբերվել է Հայաստանում ՌԴ ԱԴԾ Սահմանային վարչության պայմանագրային զինծառայող Արթուր Աֆյանի դին, որն անհետացել էր դեռեւս փետրվարի 21-ին։ Նա եղել է բաց տարածքում գտնվող բետոնե դիտահորում՝ կախված վիճակում։ Աֆյանի մարմինը հայտնաբերել է Գյումրիի 58-րդ թաղամասին բնակիչներից մեկը եւ ահազանգել ոստիկանություն։
Այս պահին դեպքի վայրում աշխատում են քննիչները։
Հիշեցնենք, որ ավելի վաղ հայտնի էր դարձել, որ 26-ամյա պայմանագրային զինծառայող Արթուր Աֆյանը կորել էր փետրվարի 21-ին։ Նույն օրը Արթուր Աֆյանի կինը՝ Ալվարդ Մկրտչյանը դիմել էր Ոստիկանություն։ Կնոջ հավաստմամբ՝ հայտնել էր, որ ինքը հեռախոսազրույց է ունեցել իր ամուսնու հետ։ Արթուրը հրաժեշտ էր տվել կնոջը եւ ասել, որ այլեւս չի վերադառնալու։
Ըստ որոշ տեղեկությունների՝ ընտանիքը պարտքեր է ունեցել։ Սակայն Ալվարդ Մկրտչյանը պնդում է, որ ամուսնու անհետանալուց օրեր առաջ իրենք գրավ են դրել թանկարժեք իրերը պարտքերը մարելու համար։ Փաստի առթիվ քրեական գործ էր հարուցվել Քրեական օրենսգրքի 104-րդ հոդվածի հատկանիշներով՝ սպանություն:
