ՀՀ նախագահ Սերժ Սարգսյանն այսօր ներկա է գտնվել «Երեւան մոլ» բազմաֆունկցիոնալ համալիրում ֆրանսիական «Քարֆուր» առեւտրային ցանցի հայաստանյան հիպերմարկետի պաշտոնական բացման արարողությանը: Հիպերմարկետի տարածքի նախնական վարձակալության պայմանագիրը «Քարֆուր»-ի եւ «Երեւան մոլ»-ի միջեւ ստորագրվել էր դեռեւս 2014թ. մայիսի 13-ին, Սերժ Սարգսյանի եւ Ֆրանսիայի Հանրապետության Նախագահ Ֆրանսուա Օլանդի ներկայությամբ՝ Ֆրանսիայի Նախագահի Հայաստան պետական այցի շրջանակներում:
Երեւանի քաղաքապետ Տարոն Մարգարյանի եւ «Քարֆուր»-ի հայաստանյան գրասենյակի տնօրեն Քրիստիան դը Նալի կողմից այսօր հիպերմարկետի բացումից հետո, Սերժ Սարգսյանը եւ բացման կապակցությամբ հրավիրված հյուրերը շրջել են «Քարֆուր»-ի տարածքում, ծանոթացել առաջարկվող ապրանքատեսականուն, գնային քաղաքականությանը, ծառայությունների որակին:
