Հայաստանում ֆրանսիական «Քարֆուր» առեւտրային ցանցի հիպերմարկետի բացումը կարեւոր է եւ կարող է մրցակցություն ապահովել հայաստանյան շուկայում: Այսօր՝ մարտի 16-ին, նման տեսակետ հայտնեց Հայաստանի ապրանքարտադրողների միության նախագահ Վազգեն Սաֆարյանը:
Նրա խոսքով՝ պետք է կարողանան գնային քաղաքականությունն այնպես անել, որ տարբերությունը մեծ չլինի:
«Օրինակ, կա հեռուսատցույց, որը 100 հազար դրամով ավելի էժան է վաճառվում «Քարֆուր»-ում, քան մնացած խանութներում: Ֆրանսիական հիպերմարկետը կարող է մեղմել նաեւ մեր ատրաքին առեւտրի բացասական հաշվեկշիռը»,- ասաց Վազգեն Սաֆարյանը:
Նրան մտահոգում է միայն այն ծիրանի արտահանման մասին խոսակցությունները, քանի որ հայկական ծիրանն իր շուկան ունի, այն է՝ Ռուսաստանի Դաշնությունը:
«Եթե «Քարֆուր»-ի ղեկավարությունը ցանկանում է ծիրան արտահանել, պետք է ներդրումներ անի ծիրանի նոր այգիների տնկման և հատուկ մեթոդներով դրանց պահպանման ուղղությամբ»:
Նշենք, որ ֆրանսիական հիպերմարկետը Երեւանում պաշտոնապես բացվել է մարտի 11-ին:
