Հայաստանը առաջիկա տարիներին Գերմանիայից 205 մլն եվրոյի չափով վարկ կստանա։ Վարկավորման փաթեթի մասին համաձայնագիրը հավանություն է ստացել մարտի 19-ին կայացած Կառավարության նիստում։
Ինչպես նշվում է համաձայնագրի մեջ, Հայաստանը Գերմանական KfW բանկից մինչեւ 100 մլն եվրո կստանա Հայաստանից Վրաստան 400 կՎ հզորությամբ էլեկտրահաղորդակցման գծի կառուցման, 50 մլն եվրո՝ Թուրքիայի հետ սահմանակից Ախուրյան գետի ջրային բարձրացման եւ մինչեւ 20 մլն եվրո՝ փոքր եւ միջին բիզնեսի էներգաարդյունավետության ապահովման համար։ Եվս 20 մլն եվրո կհատկացվի անշարժ գույքի շուկայի զարգացման նպատակով։