Եվրախորհրդարանի Արտաքին հարաբերությունների հանձնաժողովի նախագահ Էլմար Բրոքը Թուրքիա կատարած այցի ժամանակ կարեւորել է Թուրքիայի կողմից 1915-ի համար ներողություն խնդրելը։
Թուրքական Anka գործակալության փոխանցմամբ՝ Էլմար Բրոքը, անդրադառնալով Հայոց ցեղասպանության թեմային, հայտարարել է, թե ուշադրության է արժանի նախորդ տարի Էրդողանի կողմից արված ուղերձում 1915-ը որպես ողբերգություն ներկայացնելը՝ շեշտելով, թե իրենք գոհ են Էրդողանի եւ Դավութօղլուի հայտարարություններից։
«Այդ ողբերգությունների համար ներողություն խնդրելը հարաբերությունների զարգացման համար կարեւոր քայլ են։ Հուսով ենք, որ Թուրքիայի եւ հայաստանի միջեւ 2009-ին ստորագրված արձանագրությունները կունենան շարունակություն»,-ասել է Էլմար Բրոքը։
