Լեհ-ամերիկյան համատեղ զորավարժությունների շրջանակում Վարշավայի մերձակայքում՝ քաղաքից 50 կմ հեռավորությամբ, ԱՄՆ հակաօդային պաշտպանության Patriot համալիր են տեղակայել: Այս մասին հաղորդում է Reuters գործակալությունը:
Ավելի վաղ Լեհաստանի պաշտպանության նախարար Թոմաշ Սեմոնյակը հայտարարել էր, որ համատեղ զորավարժությունների ընթացքում մշակվելու է զենիթահրթիռային համալիրի փոխադրումը: Վաշինգտոնում նշել են, որ այս մանեւրումների նպատակն է ցույց տալ, որ ուկրաինական ճգնաժամի ֆոնին «ԱՄՆ-ն պատրաստ է ուժեղացնել ՆԱՏՕ-ի իր դաշնակիցների ներուժը»:
Վարշավայի մերձակայքում ԱՄՆ-ի եւ Լեհաստանի զինված ուժերի համատեղ զորավարժությունները մեկնարկել են մարտի 21-ին: Դրանց մասնակցում են շուրջ 100 ամերիկացի զինծառայողներ եւ 30 միավոր տրանսպորտային միջոցներ:
