Ուկրաինացի քաղաքական գործիչ, Ուկրաինայի Գերագույն Ռադայի պատգամավոր եւ ԱԻՆ նախկին ղեկավար Նեստոր Շուֆրիչը Facebook-ի իր պաշտոնական էջում հաստատել է երկրի նախկին նախագահ Վիկտոր Յանուկովիչի որդու մահվան փաստը:
«Ողբերգական մահով զոհվել է Վիկտոր Վիկտորի Յանուկովիչը: Զոհվել է այնպես, ինչպես ապրում էր՝ ավտոմեքենայի ղեկին»,- ասված է Շուֆրիչի անունից նրա մամուլի ծառայության տարածած հայտարարությունում:
Ավելի վաղ մի շարք լրատվամիջոցներ հաղորդել էին Ուկրաինայի նախկին նախագահ Վիկտոր Յանուկովիչի կրտսեր որդու մահվան մասին: Նշվում էր, որ նա Բայկալ լճում դժբախտ պատահարի զոհ է դարձել:
Միջադեպի փաստը, առանց զոհերի եւ տուժածների անունները նշելու, հաստատել է նաեւ Ռուսաստանի ԱԻՆ Իրկուտսկի մարզի վարչությունը: ԱԻՆ-ում հայտարարել էին, որ Յանուկովիչ ազգանունով մարդ զոհերի եւ տուժածների ցուցակում չկա:
