Քաղաքական գործիչները շատ են շտապել Եվրասիական տնտեսական միության տարածքում միասնական արժութային միություն ստեղծու մասին իրենց հայտարարություններով։ Այս մասին մարտի 23-ին «ԵՏՄ տարածքում միասնական արժույթի անցնելու հնարավորություններն ու խնդիրները» թեմայով Երեւան-Մոսկվա հեռուստակամուրջի ժամանակ հայտարարեց հայտարարել է հայտարարեց 1994-1998թթ. Հայաստանի Կենտրոնական բանկի նախագահ Բագրատ Ասատրյանը։
Նա նշեց, որ ինքը եղել է Հայաստանի եվրաինտեգրման ակտիվ կողմնակիցը։ «Սկզբունքորեն մեր ամբողջ հասարակությունն ու քաղաքական կառույցները կողմ էին եվրաինտեգրմանը։ Սակայն 2013թ. սեպտեմբերի 3-ին մեր նախագահը հայտարարեց, որ ժամանակն է նոր միություն մտնել։ Հայաստանը ոչ մի կերպ պատրաստ չէր նման փոփոխությունների։ Ես իրատես եմ եւ հասկանում եմ, որ այստեղ քաղաքական աստառ կա։ Հայաստանի նման փոքր տնտեսություն ունեցող երկրների ապագան զարգացած մեծ շուկաներն են։ Բնականաբար, եթե ստեղծվում է միասնական տնտեսական միջավայր, դրա արդյունքը պիտի լինի միասնական արժույթը, սակայն շտապել պետք չէ։ Մենք ունենք Եվրամիության փորձը, որը 40 տարի շարունակ զարգացում էր ապրում, որի արդյունքը եղավ միասնական արժույթը»,- հավելեց Բագրատ Ասատրյանը։
Հիշեցնենք, որ ՌԴ նախագահ Վլադիմիր Պուտինը մարտի 10-ին հանձնարարել էր երկրի ԿԲ-ին եւ նախարարների կաբինետին մինչեւ սեպտեմբերի 1-ը դիտարկել ԵՏՄ-ում արժութային ինտեգրման հարցը եւ ուսումնասիրել արժութային միություն ստեղծելու հեռանկարները։
