Երեւանի քաղաքապետարանի «Ջրային կառույցներ» ընկերությունը մարտի սկզբից իրականացնում է շատրվանների ու ջրավազանների ընթացիկ նորոգման ու բարեկարգման աշխատանքները:
Երեւանի քաղաքապետ Տարոն Մարգարյանի հանձնարարությամբ, որպես յուրատիպ նվեր կանանց ու աղջիկներին, այս տարի եւս մայրաքաղաքի ջրային կառույցները կգործարկվեն մայրության եւ գեղեցկության օրը` ապրիլի 7-ին:
Մինչ այդ, ջրային կառույցների անխափան գործունեությունն ապահովելու նպատակով ընթանում են հանգույցների ու պոմպային համակարգերի կարգաբերման, խողովակաշարերի ներկման, տարածքի մաքրման եւ տեխնիկական բնույթի այլ աշխատանքներ:
Մայրաքաղաքում կգործի թվով 32 շատրվան ու ջրային կառույց:
