Փրկարարները ձյան պատճառով չեն կարողանում հասնել այն վայրը, որտեղ աղետի է ենթարկվել Germanwings ավիաընկերության Airbus A320 ինքնաթիռը։ Այս մասին գրում է BBC-ի Ռուսական ծառայությունը։
Հաղորդվում է, որ ճանապարհները, որոնցով դեպքի վայր են շտապել բժիշկներն ու հրշեջները, արգելափակված են ձյան պատճառով։ Փրկարարական աշխատանքները հավանաբար կշարունակվեն օդային ճանապարհով։
Germanwings բյուջետային ավիաընկերության Airbus A-320 ինքնաթիռը կործանվել էր Ֆրանսիական Ալպերի դժվարամատչելի տեղանքում։ Օդանավում եղել է 148 ուղեւոր եւ անձնակազմի 8 անդամ։ Ֆրանսիայի նախագահ Ֆրանսուա Օլանդը հայտարարել է, որ նրանք բոլորը, ամենայն հավանականությամբ, զոհվել են։