Ազգային Ժողովի պատգամավոր, նախկին վարչապետ Հրանտ Բագրատյանն այսօր՝ մարտի 24-ին ԱԺ է ներկայացրել հայտարարության նախագիծ, որով դատապարտվում է 2-րդ համաշխարհային պատերազմի տարիներին հրեաների ցեղասպանությունը։ Այդ մասին նա հայտնել է Facebook-ի իր էջում։

«Ոմանք ասում են. քանի դեռ Իսրայելը Հայոց ցեղասպանությունը չի ճանաչել, մենք դա չպետք է անենք։ Իսկ ես կարծում եմ, որ սա շուկա չէ, մենք մեր գործը պիտի անենք։ Պատգամավորներին ու քաղաքական գործիչներին կոչ եմ անում միանալ»,- գրել է նա։