Անհավատալի հայտնագործության մասին տեղեկությունը ցնցել է ամբողջ աշխարհի գիտական շրջանակները: Էդինբուրգի համալսարանի գիտաշխատողներին հաջողվել է հսկայական գիշատիչ երկկենցաղ հայտնաբերել, որը մեր մոլորակի վրա բնակվել է 200 մլն տարի առաջ:
Հսկայական կենդանու մնացորդները գտել են ժամանակակից Պորտուգալիայի հարավային Ալգավրի շրջանում: Մինչեւ հիմա անհայտ այդ կենդանու ոսկորների մնացորդների հետազոտության արդյունքում մասնագետները պարզել են, որ հնագույն երկկենցաղն ավտոմեքենայի չափեր է ունեցել եւ սնվել է բացառապես ձկներով:
Informing-ի փոխանցմամբ, մասնագետները հավաստում են, որ Metoposaurus algarvensis անվանումը ստացած այս տեսակն անհետացել է դինոզավրերից շատ առաջ: