Ամերիկյան Սան Խոսե քաղաքում (Քալիֆորնիայի նահանգ) դիպուկահար կրակոցով գնդակահարել են ոստիկանության սպային: Այս մասին հաղորդում է KRON4 հեռուստաալիքը:
Հանցագործությունը տեղի է ունեցել մարտի 24-ին, տեղի ժամանակով 19.00-ին, գոլֆ ակումբներից մեկի մոտ:
San Jose Mercury News պարբերականին տվյալներով, ոստիկանն այդտեղ է ժամանել բնակիչներից մեկի ահազանգով: Հնարավոր է, նրան գնդակահարել են մոտակա շենքերից մեկից:
Սպանությունից անմիջապես հետո քաղաքում հատուկ գործողություն է իրականացվել: Հարակից բոլոր փողոցները փակվել են, այնտեղ է ժամանել հատուկ ջոկատը եւ զրահապատ մեքենաներ, օդում պտտվում են ուղղաթիռներ, հաղորդում է Lenta-ն:
Հարակից շենքերի բնակիչներին խնդրում են դուրս չգալ փողոց, սակայն դեպքի վայրում տասնյակ մարդիկ են հավաքվել:
Հանցագործին որոնում են, պարզվում են հանցագործության դրդապատճառները: