Բժշկական հաստատություններում տենդերների մրցակցությունը առաջընթաց է գրանցել։ Այդ մասին այսօր՝ մարտի 25-ին խորհրդարանում հայտնել է Տնտեսական մրցակցության պետական պաշտպանության հանձնաժողովի նախագահ Արտակ Շաբոյանը՝ ներկայացնելով կառույցի աշխատանքի ծրագիրը 2015թ. համար։

Նրա խոսքով, նախկինում հիվանդանոցները պետգնումներ էին իրականացնում գործնականում առանց մրցույթների։ Իրենք էին որոշում՝ ում հետ պայմանագիր կնքել եւ ինչ գներով։ 2012թ. հանձնաժողովի ստուգումներից հետո իրավիճակն արմատապես փոխվեց։ «Դրանից շահեցին ոչ միայն սպառողները, այլեւ առաքիչները։ Խոշոր արտադրողներն ու ներկրողները հաճույքով են արձագանքում մեր աշխատանքի արդյունքներին, քանի որ իրենց համար հեշտ է դարձել հիվանդանոցների հետ աշխատելը»,- նշել է Շաբոյանը։