Ռուսաստանի կողմից Ադրբեջանին վաճառվող զենքի հարցը բարձրացվել է ՀԱՊԿ ղեկավար Նիկոլայ Բորդյուժայի հետ հանդիպման ժամանակ։ Այս մասին մարտի 25-ին լրագրողներին հայտարարել է ՀՀ պաշտպանության նախարար Սեյրան Օհանյանը՝ մեկնաբանելով մարտի 23-ի ՀԱՊԿ գլխավոր քարտուղարի հետ ունեցած իր վերջին հանդիպումը։
Բորդյուժայի պատասխանի կապակցությամբ Օհանյանը խնդրեց այդ հարցով դիմել հենց նրան։
«Մեզ իհարկե անհանգստացնում է ցանկացած երկրի կողմից Ադրբեջանին վաճառվող ցանկացած զենք։ Մենք այդ ուղղությամբ համապատասխան աշխատանքներ են տանում։ Ռազմաքաղաքական ղեկավարությունը տեղում նստած չէ»,- հայտարարել է նախարարը։
Հիշեցնենք, որ մարտի 18-ին Երեւանում «Արարատի ստորոտին» միջազգային մեդիաֆորումի ժամանակ ՀՀ նախագահ Սերժ Սարգսյանը, պատասխանելով ռուս լրագրողի հարցին, թե ինչպե՞ս է վերաբերում նախագահն այն հանգամանքին, որ նրան, որ Ռուսաստանը զենք է վաճառում Ադրբեջանին, Սերժ Սարգսյանը պատասխանեց, որ դա խնդիր է, որը պետք է լուծում ստանա։