Իշխանափոխությունից հետո Հայաստանը առնվազն երկու տարի նախագահ չի ունենալու. անցումային փուլում երկիրը կառավարելու է «Հիմնադիր խորհրդարանի» նախագահն ու գործադիր մարմինը։ Այս մասին այսօր՝ մարտի 26-ին, լրագրողներին ասաց ազատամարտիկ, Շուշիի առանձնակի գումարտակի հրամանատար, «100-ամյակն առանց ռեժիմի» շարժման առաջնորդ Ժիրայր Սեֆիլյանը։
Նրա խոսքով՝ կան երիտասարդներ, որոնք կարող են լավագույնս ղեկավարել երկիրը։
«Իսկ մեր շուրջօրյա հանրահավաքների ժամանակ կցանկանայի՝ հարթակում լինեին մարդիկ, որոնք վարկաբեկված չեն, օրինակ, Զարուհի Փոստանջյան եւ Նիկոլ Փաշինյան։ Եթե նրանք լինեն հարթակում, օգուտ կբերեն շարժմանը»,- ասաց Ժիրայր Սեֆիլյանը։
Նշենք, որ շարժումը ապրիլի 24-ից սկսում է շուրջօրյա հանրահավաքներ։