Շվեյցարիան ճանաչվել է 2014թ. ամսական եկամտի ամենաբարձր մակարդակ ունեցող երկիրը։ Այս մասին հայտնում է Nation Master-ը։
Համաձայն վիճակագրական տվյալների՝ Շվեյցարիայի բնակիչները ամսական միջինում ստանում են 6.3 հազար դոլար (հարկերը վճարելուց հետո)։ Երկրորդ տեղում է Լուքսեմբուրգը, որի բնակիչները ամսական ստանում են 4.4 հազար դոլար։
Հակառեկորդ է սահմանել Կուբան, որտեղ բնակիչների ամսական մաքուր եկամուտը կազմել է 25 դոլար։
Nation Master-ի կայքը տեղեկացնում է, որ տվյալները կազմվել են numbeo.com կայքում քաղաքացիների շրջանում անցկացված հարցումների հիման վրա։