Հայ առաքելական եկեղեցու Պոլսո պատրիարքությունը խոչընդոտներ է ստեղծում ասլամացած հայերի քրիստոնեության վերադարձի համար: Այս մասին ամսյր՝ մարտի 26-ին, մամուլի ասուլիսում նշել է արեւմտահայերի խնդիրների ուսումնասիրման կենտրոնի ղեկավար Հայկազուն Ալվրցյանը:
Նա հիշեցրել է Պոլսո հայոց պատրիարքական ընդհանուր փոխանորդ, արքեպիսկոպոս Արամ Աթեշյանի հայտարարությունն այն մասին, որ մարդիկ, որոնք չեն կնքվել հայ եկեղեցում, հայ չեն:
Ալվրցյանի խոսքով՝ Պոլսո պատրիարքությունը նաեւ մի շարք խնդիրներ է դրել հայերի առջեւ, որոնք ցանկանում են վերադառնալ քրիստոնեության: «Նրանք պետք է մի քանի ամիս, հիմնականում վեց ամիս, դասընթացներ անցնեն Պոլսում, իսկ այդ դասընթացներն արժեն 4850 թուրքական լիրա, մոտ 2 հազար դոլար»,-նշել է Ալվրցյանը՝ հավելելով, որ բարձրացել են նաեւ կնքվելու գները, որը եւս արժե 2 հազար դոլար:
«Այս ամենը պետության կողմից կազմակերպված երեւույթ է եւ Պոլսո պատրիարքության կամքի բացակայության հետեւանք»,-ընդգծել է նա:
