Մարտի 25-ին, ժամը 22.00-ին, ոստիկանության Քանաքեռ-Զեյթունի բաժնի ծառայողները Երեւանի Ռուբինյանց փողոցի թիվ 22 շենքի մոտից, թմրամիջոց պահելու կասկածանքով, բերման են ենթարկել 19-ամյա Էդգար Զ.-ին եւ 24-ամյա Սամվել Վ.-ին` իր «Ֆոլքսվագեն Ջետտա» մակնիշի ավտոմեքենայով:
Ոստիկանության մամուլի ծառայությունից հայտնում են, որ անձնական խուզարկությամբ Էդգար Զ.-ի տաբատի գրպանից հայտնաբերվել է թղթի մեջ փաթեթավորված դեղնականաչավուն կանեփանման զանգված, իսկ ավտոմեքենայի սրահի զննությամբ՝ առջեւի աջ նստելատեղին թափանցիկ պոլիԷթիլենային տոպրակի մեջ լցված դեղնականաչավուն «մարիխուանա» թմրամիջոցի նմանվող զանգված եւ չօգտագործված կաթոցիչ:
Էդգար Զ.-ն բացատրություն է տվել, որ հայտնաբերվածը «մարիխուանա» տեսակի թմրամիջոց է, պատկանում է իրեն, որը 15.000 դրամով Սամվել Վ.-ի հետ ձեռք են բերել ոմն Տիգրանից:
Հայտնաբերվածն ուղարկվել է փորձաքննության:
Ձեռնարկվում են միջոցառումներ Տիգրանի անձը պարզելու եւ նրան հայտնաբերելու ուղղությամբ:
Կատարվում է հետաքննություն:
