2015 թ-ին Աշխատանքի եւ սոցիալական հարցերի նախարարությունը ժամանակավոր աշխատանքի տեղավորման ծրագրերում նախատեսում է ներգրավել մոտ 7400 մարդ: Այդ մասին մարտի 26-ին Կառավարության նիստից հետո կայացած ճեպազրույցում հայտնել է Աշխատանքի եւ սոցիալական հարցերի նախարար Արտեմ Ասատրյանը:
«Ժամանակավոր զբաղվածության ծրագրերի համար ընթացիկ տարվա ընթացքում տրամադրվելու է 1 մլրդ 125 մլն դրամ»,-ավելացրել է նա: Ընդ որում մեծ ուշադրություն է դարձվելու ֆերմերների զբաղվածությանը, որոնց աշխատավարձերի ծավալը կհասնի մինչեւ 350 հազ դրամի մեկ սեզոնի համար: «Մենք արդեն խորհրդատվություններ ենք անցկացրել ծրագրերի սկզբի վերաբերյալ` մարզային կառավարմամբ եւ Գյուղատնտեսության աջակցման կենտրոններով»,-հայտնել է նախարարը: