Տաշիր քաղաքի բնակիչ, հունվարի 28-ին Տաշիրի երկու առանձնատներից գողություն կատարած 24-ամյա Արշակ Խաչատրյանը մեղայականով ներկայացել է ոստիկանություն:
Ինչպես տեղեկանում ենք ոստիկանության լրատվական ծառայությունից, ոստիկանության Տաշիրի բաժնի ծառայողների ու մարզային վարչության ոստիկանների բացատրական աշխատանքների արդյունքում, 24-ամյա Արշակ Խաչատրյանը, որը հունվարի 28-ին Տաշիր քաղաքի երկու առանձնատնից ոսկյա զարդեր ու փող էր գողացել, մեղայականով ներկայացել է ոստիկանության Տաշիրի բաժին:
Արշակ Խաչատրյանը ոստիկանությանը տեղեկացրել է, որ այդ քայլին գնացել է վարկային պարտականությունները կատարել չկարողանալու պատճառով:
Գողությունների փաստով քրեական գործ է հարուցվել:
Մանրամասները՝ ոստիկանության պատրաստած տեսանյութում: