Նյու Յորքի Մանհեթեն թաղամասում 5-հարկանի շենկի նկուղում գազի պայթյուն է տեղի ունեցել, ապա հրդեհ բռնկվել, որի հետեւանքով 100-ամյա շինության 4 հատվածներից երեքը փլուզվել է: Այս մասին հաղորդում է Reuters-ը՝ վկայակոչելով քաղաքապետարանի տվյալները:
Վերջին տեղեկություններով՝ տուժել է 19 մարդ, որոնցից 4-ը գտնվում են ծայրահեղ ծանր վիճակում: Զոհերի եւ անհետ կորածների մասին տեղեկություններ չկան:
Դեպքից առաջ այդ շեքում գտնվող սուշիի ռեստորան են այցելել բանվորներ, որոնք վնասել են գազատարը, հաղորդում է Lenta-ն:
Ավելի քան 250 հրշեջներ շարունակում են մարել կրակը: Փրկարարները տարհանել են մարդկանց հարակից շենքերից եւ շրջափակել տարածքը:
Ավելի վաղ հաղորդվել էր, որ պայթյունից ու հրդեհից տուժել է 30 մարդ:
