Ռուսաստանցի ընդդիմադիր գործիչ Բորիս Նեմցովի սպանության մեջ կասկածվող Զաուր Դադաեւը չի համապատասխանում սպանության ականատեսի կողմից հանցագործի նկարագրությանը, գրում է «Կոմերսանտը»:
Թերթին հայտնի է դարձել, որ Նեմցովի սպանությանն ականատես է եղել 27-ամյա մենեջեր Եվգենին: Նրա խոսքով՝ դեպքի վայրից փախուստի դիմող ենթադրյալ մարդասպանն արտաքնապես զգալիորեն տարբերվում է Դադաեւից: «Դա միջահասակ, նիհար եւ մուգ, հնարավոր է ալիքավոր մազերով տղամարդ էր, մազերի երկարությունը մոտ 4 սմ»,-ասել է վկան:
«Տղամարդու հագին եղել է կապույտ ջինսե շալվար, որը մի փոքր մեծ էր տիրոջ համար, ինչպես նաեւ նմանատիկ «պարկանման» մուգ վերնազգեստ՝ գլխարկով: Այդ նկարագրությունը չի համապատասխանում սպանության մեջ մեղադրվող Դադաեւի արտաքին տվյալներին: Վերջինս խոշորամարմին եւ մարզիկի կազմվածք ունեցող տղամարդ է»,-գրում է թերթը: