Ռուսաստանի ֆուտբոլի հավաքականի նախկին խաղացող, հայտնի մարզիչ Վալերի Կարպինն արդեն Երեւանում է, որտեղ նա կմասնակցի Խորեն Հովհաննիսյանի հոբելյանին նվիրված ֆուտբոլային հանդիպմանը։ Խաղից սպասվող ակնկալիքների մասին նա պատմել է NEWS.am-ի թղթակից Վերա Մարտիրոսյանին։
Կարպինի խոսքով՝ ինքը պատահաբար է հայտնվել Մոսկվայում, երբ Чемпионат.com կայքի գլխավոր խմբագիր Սամվել Ավագյանը նրան հրավիրել է մասնակցել խաղին։
«Ես լավ տրամադրություն ունեմ եւ շատ ուրախ եմ, որ ժամանել եմ հանդիպմանը։ Սա հին ընկերներով հավաքվելու լավ հնարավորություն է։ Աշխարհի հավաքականն ավելի երիտասարդ է, քան ԽՍՀՄ հավաքականը։ Սակայն նման խաղերում գլխավորը խաղատախտակի հաշիվը չէ»,- նշել է Կարպինը։
Եթե Դուք սիրում եք ֆուտբոլ, ապա ԱԿԲԱ-ԿՐԵԴԻՏ ԱԳՐԻԿՈԼ ԲԱՆԿԻ MasterCard UEFA Champions League Քարտը հենց Ձեզ համար է:
MasterCard UEFA Champions League Քարտով կատարված գործառնությունների դիմաց քարտապանը կստանա UEFA ապրանքանիշը կրող պարգևատրում` ընտրելով այն www.uefa.com կայքի օնլայն խանութից` առանց որևէ լրացուցիչ ծախսերի:
Մանրամասներին ծանոթացեք այստեղ:
Նախկին մարզիչն ու ֆուտբոլիստը նշել է, որ նա մի քանի անգամ եղել է Հայաստանում դեռեւս ԽՍՀՄ տարիներին։ «Այն ժամանակ մենք հաղթանակ տարանք «Արարատի» նկատմամբ։ Ես նաեւ մի քանի անգամ եղել եմ Ծաղկաձորում»,- պատմել է Կարպինը։
Նա նշել է, որ «Սպարտակում» իր աշխատելու տարիներին թիմում խաղում էին Արաս Օզբիլիսն ու Յուրա Մովսիսյանը, եւ ինքը հիմա հետեւում է նրանց խաղին։
Հիշեցնենք, որ Խորեն Հովհաննիսյանի 60-ամյակին նվիրված խաղը կայանալու է մարտի 28-ին Երեւանի Հանրապետական ստադիոնում: Մրցելու են ԽՍՀՄ-ի եւ աշխարհի հավաքականները:
Վերա Մարտիրոսյան / Vera&Football