Քրեական հեղինակություն Թեւոսիկի՝ Թեւոս Սաֆարյանի դեմ հարուցված քրեական գործը կարճվել է:Այս մասին հայտնեցին NEWS.am-ի իրավապահ համակարգին մոտ կանգնած աղբյուրները:
Ըստ տեղեկությունների՝ քրեական գործը կարճելու համար հիմք է հանդիսացել այն, որ այսպես ասած առեւանգված անձը դատարանում հայտարարել է, թե իրեն չեն առեւանգել, եղել են անբավարար ապացույցներ: Թեւոսիկի նկատմամբ քրեական հետապնդումը դադարեցվել է: Մեզ հասած տեղեկություններով՝ Թեւոսիկն այժմ գտնվում է Մոսկվայում:
Նշենք, որ Թեւոս Սաֆարյանի կալանքի ժամկետը լրացել էր դեկտեմբերի 27-ին, նրա խափանման միջոցը փոխվել էր, քանի որ լրացել է նախնական կալանքի առավելագույն ժամկետ մեկ տարին: Նա մեղադրվում է անձի առեւանգում կազմակերպելու մեջ: Թեւոսիկը տեւական ժամանակ գտնվել է «Դատապարտյալների հիվանդանոցում», վերջին շրջանում էր տեղափոխվել ՔԿՀ: