Սահմանադրական բարեփոխումների հայեցակարգում պետք է ընդգրկվի Ազգային ժողովում եւ մյուս ընտրովի մարմիններում նաեւ Հայաստանի ազգային փոքրամասնությունների ներկայացված լինելու հարցը։ Այս մասին այսօր՝մարտի 27-ին, լրագրողների հետ հանդիպմանն ասաց «Սինջար եզդիների ազգային միավորում» հասարակական կազմակերպության ղեկավար Բորիս Մուրազին։
Այս հարցով եզդիները հաջորդ շաբաթ նամակով կդիմեն հանրապետության նախագահին։
«Նամակի բովանդակությունը դեռևս պարզ չէ, բայց մոտ օրերս կհարպարակվի նաև մամուլում։ Կարծում եմ, որ եթե ընտրովի մարմիններում պետք է շարունակվի ազգային փոքրամասնության ներկայացուցիչ չլինել, ապա նախկին սահմանադրությունը բավականին լավն էր»,- ասաց Բորիս Մուրազին։
