Մարտի 26-ին ոստիկանության Արաբկիրի բաժնի ծառայողները ծառայություն կատարելու ընթացքում նկատել են փողոցներով անկանոն անցնող «Օպել Աստրա» մակնիշի ավտոմեքենա, որը ժամը 03.00-ին կանգնել է Ա.Ավետիսյան փողոցի թիվ 70 շենքի մոտ եւ սրահից իջել են երեք անձինք, որոնցից մեկը դիմել է փախուստի:
Նշված ավտոմեքենան, որի սրահի հետեւի նստատեղին եղել է 1 գազի բալոն, եւ մյուս 2 անձինք գողություն կատարելու կասկածանքով բերման են ենթարկվել ոստիկանություն:
Ոստիկանության մամուլի ծառայությունից հայտնում են, որ 24-ամյա Արման Գ.-ն եւ 26-ամյա Հարություն Թ.-ն խոստովանել են, որ գազի բալոնը գողացել են Գ.Արծրունու փողոցի թիվ 90 շենքի բակում կայանված «Օպել Աստրա» մակնիշի ավտոմեքենայից:
Ձեռնարկվում են միջոցառումներ փախուստի դիմած անձի ինքնությունը պարզելու եւ նրան հայտնաբերելու ուղղությամբ:
Կատարվում է հետաքննություն:
