Թուրքիայի փոխվարչապետ Բյուլենթ Առընչի կողմից նախագահ Էրդողանին ուղղված քննադատության հետ կապված իշխող «Արդարություն եւ զարգացում» (AKP) կուսակցության գլխավոր խորհրդական Հուսեյն Չելիքը եւս քննադատել է Էրդողանին։
Թուրքական Sozcu պարբերականի փոխանցմամբ՝ AKP-ի գլխավոր խորհրդական Հուսեյն Չելիքը մի հեռուստահաղորդման ժամանակ անդրադարձել է նաեւ փոխվարչապետ-Անկարայի քաղաքապետ փոխադարձ վիրավորանքներին, որի պատճառը եղել էր փոխվարչապետ Բյուլենթ Առընչի կողմից նախագահ Էրդողանին քննադատելը։
Հուսեյն Չելիքը նշել է, թե Բյուլենթ Առընչն իրենց ավագ եղբայրն է եւ խոսքի վարպետ է հանդիսանում, ուստի ինքը չէ, որ պետք է ուղղություն ցույց տա Բյուլենթ Առընչին։ «Եթե ես լինեի պարոն Առընչի տեղը, կասեի, որ նախագահն իր քննադատությունները, անհանգստությունները ոչ թե մամուլի ու հասարակության հետ, այլ վարչապետի հետ պետք է կիսեր։
Սուրբ տիտղոսը, այսինքն, առանց սխալներ ու առանց մեղքեր տիտղոսը կրում են միայն մարգարեները։ Պարոն Էրդողանը եւ մյուսները «սուրբ» տիտղոսը չեն կրում»,-ասել է Հուսեյն Չելիքը։