«Բոկո Հարամ» ծայրահեղական խմբավորման զինյալները հարձակվել են Նիգերիայի ընտրական հանձնաժողովի վրա: 6 մարդ է զոհվել:
Reuters-ի փոխանցմամբ, տեղական ոստիկանության ներկայացուցիչ Դանլադի Մարկուսն ասել է, որ զինյալները հարձակվել են երկրի հյուսիս-արեւելյան Գոմբե եւ Յոբե նահանգներում գտնվող ընտրական տեղամասերի վրա եւ կրակ բացել մարդկանց ուղղությամբ:
Հաղորդվում է նաեւ, որ իրենց «Նիգերիական կիբեր-բանակ» կոչող հաքերները կոտրել են Նիգերիայի Ազգային անկախ ընտրական հանձնաժողովի կայքը: Նրանք կայքում իրենց խմբի անվանումն ու «Անվտանգությունը երեւակայություն է» գրություն տեղադրել:
Հիշեցնենք, որ Նիգերիայում տեղական ժամանակով 13:30-ին ավելի քան 120 հազար ընտրատեղամասեր են բացվել: Նախագահի թեկնածուները 14-ն են:
Ավելի վաղ «Բոկո Հարամ» ծայրահեղական խմբավորումը խոստացել էր խափանել Նիգերիայի համընդհանուր ընտրությունները:
