Փրկարար ծառայությունը մարտի 29-ին, ժամը 04.37-ին տեղեկություն է ստացել, որ Երեւանի Բագրատունյաց պողոտայում՝ Երեւանյան լճի պատնեշի մոտակայքում, տեղի է ունեցել ՃՏՊ. կան տուժածներ:

Դեպքի վայր է մեկնել ՀՆՓԱԻ կենտրոնի փրկարարական ջոկատը եւ մեկ մարտական հաշվարկ:

Պարզվել է, որ դեռեւս չբացահայտված հանգամանքներում «Կիա» մակնիշի 32 0LL 60 պետհամարանիշով ավտոմեքենան բախվել է կայանված «ԿամԱԶ» մակնիշի 34 NQ 772 պետհամարանիշով ավտոմեքենային:

Մինչ փրկարարների կանչի վայր հասնելը՝ «Կիա» մակնիշի ավտոմեքենայի վարորդը՝ 1960 թ. ծնված Գ. Ա.-ը, ուղեւորները՝ 1960 թ. ծնված Գ. Խ.-ը, 1975 թ. ծնված Ա. Բ.-ը եւ 1961 թ. ծնված Ռ. Ա.-ը, հոսպիտալացվել են «Էրեբունի» ԲԿ, որտեղ բժիշկները Գ. Ա.-ի առողջական վիճակը գնահատել են բավարար, Գ. Խ.-ինը եւ Ա. Բ.-ինը՝ միջին ծանրության, իսկ Ռ. Ա.-ինը՝ ծանր:

Փրկարարները «Կիա» մակնիշի ավտոմեքենայից դուրս են բերել ուղեւոր 1958 թ. ծնված Ս. Ա.-ին, ով տարբեր աստիճանի մարմնական վնասվածքներով հոսպիտալացվել է «Էրեբունի» ԲԿ: Բժիշկները առողջական վիճակը գնահատել են ծանր:

Հրշեջ-փրկարարներն իրականացրել են ճանապարհահատվածի լվացման աշխատանքներ: