ԴՆԹ անալիզի միջոցով հնարավոր է եղել նույնականացնել կործանված Airbus A320-ի երկրորդ օդաչու Անդրեաս Լուբիցի մնացորդները: Այսն մասին գրում է Bild am Sonntag պարբերականը: Ավելի վաղ հայտնի էր դարձել, որ Լուբիցի տանը հայտնաբերվել էին հոգեմետ դեղեր, որոնք ապացուցել են նրա մոտ հոգեկան շեղումների առկայության փաստը:

Բարսելոն-Դյուսելդորֆ չվերթն իրականացնող Germanwings ավիաընկերության օդանավը կործանել էր մարտի 24-ին Ֆրանսիական Ալպերում: Օդանավում գտնվող բոլոր 150 ուղեւորները զոհվել են:

Լուբիցին կասկածում են ինքնաթիռը դիտավորյալ կործանելու մեջ: Փակվելով օդաչուների խցիկում՝ նա ներս չի թողել առաջին օդաչուին եւ օդանավը ցած է իջեցրել: Հայտնի է, որ նա հոգեբանի մոտ հաշվառման տակ էր գտնվում եւ վթարից քիչ առաջ բաժանվել էր ընկերուհուց, գրում է Gazeta-ն: