Lufthansa ավիաընկերության ներկայացուցիչ Քեյ Կրատկին հայտարարել է, որ Ֆրանսիայի հարավում կործանված Airbus A320 օդանավի երկրորդ «սեւ արկղն» այդպես էլ չեն գտնի: Այս մասին հաղորդում է The Local-ը:
Նրա խոսքով՝ «սեւ արկղը» կարող է մի փոքր վնասված լինել, որի հետեւանքով այն ազդակներ չի հաղորդում:
Ավելի վաղ հրապարակվել են օդանավի առաջին «սեւարկղի» սղագրությունը, որտեղ հստակ լսվում է, թե ինչպես է օդանավի հրամանատարը բղավում օդաչուների խցում փակված երկրորդ օդաչու Անդրեաս Լյուբիցի վրա «բացիր, այդ անիծյալ դուռը», իսկ հետեւում բղավում են նաեւ ուղեւորները: