Եվրասիական տնտեսական միությունում քննարկելու են ԵՏՄ-ում դեռեւս ազգային համարվող շուկաներում միասնական շուկա ձեւավորելու հարցերը։ Այս մասին այսօր՝ մարտի 30-ին,  Երեւանում «Եվրասիական տնտեսական միության շուկան առանց արգելքների» խորագրով քննարկման ժամանակ հայտարարեց Միասնական տնտեսական հանձնաժողովի մակրոտնտեսության եւ ինտեգրացիայի հիմնական ուղղություններով  կոլեգիայի անդամ (նախարար) Տատյանա Վալովայան։

Առանձնացրած շուկաներից Հայաստանի համար կարեւոր են ալկոհոլի, ծխախոտի, դեղագործության եւ նավթի, գազի ու էլեկտրաէներգիայի շուկաները։ «Նշվել են միասնական շուկայի ձեւաչափերի  մշակման եւ ազատականացման պայմանները։ Շատ կարեւոր է աշխատել հայկական բիզնեսի հետ եւ միասնական շուկաների ռեժիմ մշակել»,- նշել է նա։