Ռուսաստանի տնտեսության մասին Bloomberg-ի վերջին վերլուծությունը լավ նշան է նաեւ Հայաստանի համար։ Այս մասին այսօր՝ մարտի 30-ին, Երեւանում «Եվրասիական տնտեսական շուկան առանց խոչընդոտների» խորագրով քննարկման ժամանակ լրագրողներին հայտնել է ՀՀ փոխվարչապետ, միջազգային տնեսական ինտեգրացիայի եւ բարեփոխումների նախարար Վաչե Գաբրիելյանը։
Bloomberg-ի վերլուծաբանները նշել էին, որ վերջին 3 ամիսների ընթացքում Ռուսաստանի տնտեսական ցուցանիշները ավելի բարձր են եղել, քան սպասվում էր։ Մասնավորապես արտաքին պահուստների դինամիկան այնքան բացասական չի եղել, որքան ակնկալվում էր 2014թ. դեկտեմբերին։
«Պահուստների կայունացման, իսկ դրա հետ նաեւ՝ ռուբլու կայունացման հետ հայ արտահանողների հասկանալի կդառնա իրենց համար կարեւոր ռուսական շուկայում իրականացվող առեւտրի ոլորտի զարգացումները»,- նշեց փոխվարչապետը։