Նիգերիայի ընտրություններում առաջատարը նախկին ռազմական դիկտատոր Մուհամադ Բուհարին է: Նախնական տվյալներով, նրա օգտին քվեարկել է մոտ 12 մլն մարդ, մինչդեռ գործող նախագահ Գուդլակ Ջոնաթանի օգտին՝ մոտ 10 մլն մարդ, հաղորդում է Reuters-ը:
Բուհարին հաղթել է 7 նահանգներում, իսկ Ջոնաթանը՝ 5, այդ թվում մայրաքաղաքում: Մնացած վարչական միավորների տվյալները դեռեւս մշակվում են:
Զգալի տարբերությամբ Բուհարին հաղթել է հյուսիսային Կանո եւ Կադունա նահանգներում:
Միաժամանակ, Ջոնաթանը 95 տոկոս ձայն է ստացել հարավային Ռիվերս նահանգում, հաղորդում է Lenta-ն:
