Հայաստանում արդեն այս տարվա աշնանը քաղաքական ուժերը կսկսեն ակտիվանալ, կարող են ստեղծվել նոր բլոկներ, ընդդիմադիր ճամբարը կփորձի վերափոխվել: Այս մասին այսօր՝ մարտի 31-ին, լրագրողների հետ հանդիպման ժամանակ նշել է Կովկասի ինստիտուտի փոխտնօրեն, քաղաքագետ Սերգեյ Մինասյանը:
Նրա խոսքով՝ հայ հասարակությունում որոշակի նյարդայնություն է զգացվում: «Աշնանը մենք կարող ենք ականատես լինել հետաքրքիր ներքաղաքական գործընթացների: Քաղաքական ուժերը կփորձեն պատրաստվել խորհրդարանական ընտրություններին»,-ընդգծել է Մինասյանը:
Անդրադառնալով հարցին, թե ներքաղաքական գործընթացների տեսանկյունից ինչով է այս տարվա աշունը տարբերվելու նախորդ տարվա աշնանից, քաղաքագետը պատասխանել է, որ ֆորմալ առումով, ընդդիմադիր դաշնը այս պահին գտնվում է առնվազն շոկային վիճակում, եւ գործունեության դաշտն այս պահին բաց է: «Դրանից ելնելով, ընդդիմադիր ճամբարը այս կամ այն չափով կփորձի վերափոխվել»,-հավելել է նա: