News
Լրահոս
News
Երեքշաբթի
Մարտ 19
Տեսնել լրահոսը

ՀՀ կրթության և գիտության նախարար Արմեն Աշոտյանն այսօր՝ մարտի 31-ին, աշխատանքային հանդիպում է ունեցել  Հայաստանում ԵՄ աջակցությամբ իրականացվող Էրազմուս+  ծրագրի ազգային գրասենյակի ներկայացուցիչների  հետ: Այս մասին NEWS.am-ը տեղեկացավ ԿԳՆ-ից: Հանդիպման ընթացքում քննարկվել են ԵՄ նոր Էրազմուս+  նախագծին, մասնավորապես հայկական բուհերի մասնակցությամբ իրականցվող  ծրագրերին: Շեշտելով, որ ԵՄ ծրագրերը Հայաստանի բուհերի միջազգայնացման գործընթացը խթանելու և ֆինանսական իրավիճակը բարելավելու արդյունավետ գործիք են հանդիսանում,  նախարարը կարևորել է, որ հատկապես վերջին տարիներին ԵՄ ծրագրերում մասնակցության ցուցանիշի ակտիվությամբ Արևելյան գործընկերության անդամ երկրների շարքում Հայաստանը դարձել է տարածաշրջանի առաջատարը. «Արձանագրված արդյունքները վկայում են, որ Հայաստանը ԵՄ բարձրագույն կրթության տարածքի մաս է, սկսված բարեփոխումներն այդ ուղղությամբ շարունակվելու են, իսկ ընտրված ճանապարհը ճիշտ է»,- նշել է Ա. Աշոտյանը:

Արձանագրելով, որ արդեն ավարտին մոտեցող ԵՄ Տեմպուս ծրագիրը եղել է հաջողված, նախարարը հույս է հայտնել, որ  նոր Էրազմուս+  ծրագիրը կշարունակվի ավելի արդյունավետ և նպատակային. «Մեզ համար կարևոր է, որ ԵՄ ծրագրերը որոշակի ազդեցություն ունենան  բարձրագույն կրթության ոլորտում իրականցվող քաղաքականության վրա՝ առաջարկելով փորձագիտական հիմնավոր եզրակացություններ»,- նշել է ԿԳ նախարարը և հավելել, որ առաջնային նպատակներից մեկը բուհերում ակտիվության մեծացումն է, որը կնպաստի ԵՄ չափանիշներով մրցունակ միջազգային փորձագետների ազգային թիմի ձևավորմանը: Էրազմուս+  ծրագրի համակարգողը տեղեկացրել է, որ արդեն հաստատվել են 40 միջբուհական ծրագրեր, որոնցից 7-ում հայստանյան բուհերը դարձել են համակարգող: Հանդիպման ընթացքում անդրադարձ է եղել կրեդիտային շարժունությանը (Credit Mobility), կարողությունների զարգացմանը բարձրագույն կրթության ոլորտում (Capacity Building in Higher Education)  և մի շարք կազմակերպչական հարցերի: 

!
Այս նյութը հասանելի է նաև   English and Русский
Տպել
Կարդացեք նաև
Ամբողջը
ԵՄ-ն պետք է իր տնտեսությունը դնի ռազմական ռելսերի վրա եւ ամեն ինչ անի, որ Կիեւը հաղթի. Միշել
Միշելի կարծիքով՝ ԵՄ-ն պետք է ամեն ինչ անի, որ Կիեւը հաղթի...
Առաջ է եկել ՀՀ-ում ԵՄ առաքելության կարգավիճակի համաձայնագրի վավերացման անհրաժեշտություն. փոխարտգործնախարար
Առաջ է եկել ՀՀ-ում ԵՄ առաքելության կարգավիճակի համաձայնագրի վավերացման անհրաժեշտություն...
ԵՄ-ն կարող է հուլիսին Ուկրաինային փոխանցել ՌԴ ակտիվների եկամուտը. Bloomberg
Եվրամիությունն աշխատում է Ուկրաինային փոխանցել ՌԴ ակտիվների եկամուտը...
ԵՄ-ն ՌԴ-ից եւ Բելառուսից ներկրվող հացահատիկի տուրք կմտցնի՝ մեկ տոննան 95 եվրոյի չափով. FT
Եվրահանձնաժողովն առաջիկայում տուրքեր կմտցնի Ռուսաստանից եւ Բելառուսից ներկրվող հացահատիկի համար...
ԵՄ արտգործնախարարները վերահաստատել են իրենց աջակցությունը Հայաստանին. Ստանո
ԵՄ անդամ 27 երկրների արտաքին գործերի նախարարների խորհրդի նիստի...
ԵՄ-ն՝ Ռուսաստանում ընտրությունների մասին. քվեարկությունը «ազատ և արդար չէր»
Ռուսական իշխանությունները շարունակում են ուժեղացնել համակարգված ներքին ռեպրեսիաները...
Ամենաշատ