Հայաստանը կարող է տարեկան 132 մլրդ դրամ տնտեսել էլեկտրաէներգիայից: Այս մասին, այսօր՝ մարտի 31-ին, լրագրողների հետ հանդիպման ժամանակ նշել է Համաշխարհային բանկի էներգետիկայի գծով փորձագետ Արթուր Կոչնակյանը:
Նա հիշեցրել է, որ Համաշխարհային բանկի էներգաարդյունավետության ծրագրի շրջանակում աշխատանքներ են տարվում 20 հասարակական շինություններում էներգիայի կորուստները նվազեցնելու ուղղությամբ: Արդյունքում էներգիայի օգտագործումն արդեն նվազել է 45-50 տոկոսով:
«Արդյունքները, ինչպես տեսում եք, հրաշալի են»,-նշել է փորձագետը:
Ծրագրի նորարարությունն այն է, որ վարկի վերադարձն ապահովում են շենքի սեփականատերերը՝ տնտեսված էլեկտրաէներգիայի հաշվին: