News
Լրահոս
News
Երեքշաբթի
Մարտ 19
Տեսնել լրահոսը

ՀՀ էներգետիկայի եւ բնական պաշարների նախարար Երվանդ Զախարյանը մարտի 31-ին ընդունել է  Արժույթի միջազգային հիմնադրամի Հայաստանյան առաքելության ղեկավար Մարկ Հորթոնին, Հայաստանում մշտական ներկայացուցիչ Թերեզա Դաբան Սանչեսին,  մշտական ներկայացուցչության տնտեսագետներ Ֆրացիսկո Պարոդին եւ  Արմինե Մանուկյանին:

Հանդիպման ընթացքում քննարկվել են Հայաստանի էներգետիկ ոլորտին ու հանքարդյունաբերությանը վերաբերող մի շարք հարցեր: Մասնավորապես խոսվել է էներգետիկ արտադրող կայանների, Հայկական ԱԷԿ-ի շահագործման ժամկետի երկարացման  եւ նոր էներգաբլոկի կառուցման խնդիրների շուրջ:

Նախարար Երվանդ Զախարյանը տեղեկացրել է, որ ՀԱԷԿ-ի շահագործման ժամկետի երկարացման նպատակով աշխատանքները ընթացքի մեջ են: Անցած տարեվերջին Մոսկվայում ստորագրված համաձայնագրերի համաձայն՝ ռուսական կողմը ՀԱԷԿ-ի շահագործման ժամկետի երկարացման աշխատանքների համար տրամադրելու է 270 մլն ԱՄՆ դոլար արտոնյալ պայմաններով վարկ (15 տարի մարման ժամկետ, 3 % տոկոսադրույք) եւ 30 մլն ԱՄՆ դոլարի դրամաշնորհ:

Նախարարը տեղեկացրել է նաեւ, որ նոր միջուկային էներգաբլոկի կառուցման շինարարական աշխատանքները նախատեսված է սկսել 2018 թվականին, այնպես որ նոր էներգաբլոկը շահագործման հանձնվի 2027 թվականին եւ այսօր արվում է   հնարավոր ամեն ինչ՝  այդ ժամկետներում տեղավորվելու համար:

Երվանդ Զախարյանը  խոսել է նաեւ Հայաստանի ընդերքի ոլորտի մասին եւ նշել, որ ներկայում իրականացվում են ընդերքի ոլորտի օրենսդրական դաշտի բարեփոխումներ, ինչն այդ բնագավառի ներդրումային դաշտը կդարձնի ավելի արդյունավետ ու գրավիչ:

!
Այս նյութը հասանելի է նաև   Русский
Տպել
Կարդացեք նաև
Ամբողջը
Ամենաշատ