Առնվազն 9 մարդ է զոհվել Գերմանիայի, Ավստրիաի եւ Շվեյցարիայի մի շարք շրջաններում մոլեգնած «Նիկլաս» փոթորկի հետեւանքով։ Քամին պոկել է ծառեր, շրջել մեքենաներ եւ շարքից հանել էլեկտրահաղորդակցության լարերը։ Քամու ուժգնությունը հասել է մինչեւ 190 կմ/ժ։
Նախօրեին բնության տարերքը կաթվածահար էր արել Գերմանիայի փոխադրամիջոցների համակարգը, մասնավորապես ընդհատվել էր Դյուսելդորֆի եւ Քյոլնի, ինչպես նաեւ Դյուսելդորֆի եւ Դույսբուրգի միջեւ երկաթուղային հաղորդակցությունը, տեղեկացնում է BBC-ի Ռուսական ծառայությունը։
Մայնի Ֆրանկֆուրտի օդանավակայանում հետաձգվել է 150 չվերթ, իսկ Մյունխենի Կենտրոնական կայարանից տարհանել են մարդկանց այն բանից հետո, երբ քամին կոտրել էր կայարանի տանիքի ապակու կտորները։
Այս պահին քամու արագությունը նվազել է, սակայն երթեւեկությունը մի շարք շրջանում ամբողջովին չի վերականգնվել։