Նիդերլանդների արքայական ընտանիքը պատրաստ է վերադարձնել 1942 թվականին նացիստների կողմից հրեա կոլեկցիոներից առգրավված կտավը, հաղորդում է BBC-ի ռուսական ծառայությունը:
1960 թվականին թագուհի Յուլիանան կոլեկցիոներից ձեռք է բերել XVII դարի հոլանդացի նկարիչ Յորիս վան դեր Հաագենի կտավը, որի հետ կապված պատմությունը պարզվել է միայն վերջերս:
Արքայական ընտանիքի գեղարվեստական հավաքածուն տնօրինող հիմնադրամն արդեն կապ է հաստատել նկարի սեփականատիրոջ ժառանգորդների հետ:
