Երեւան ՋԷԿ-ը 2015թ. օգոստոս-սեպտեմբերին պլանային վերանորոգման կենթարկվի։ Այս մասին համապատասխան որոշումը հավանության է արժանացել ապրիլի 1-ին՝ Հայաստանի հանրային ծառայությունները կարգավորող հանձնաժողովի նիստում։
Ինչպես նախագիծը ներկայացնելիս հայտարարեց Սակագնային քաղաքականության բաժնի պետ Գարեգին Բաղրամյանը, վերանորոգման ժամկետը ապրիլից տեղափոխվում է օգոստոս-սեպտեմբեր։
Հիշեցնենք, որ Երեւան ՋԷԿ-ի շահագործման հզորությունը կազմում է 220 մեգավատ։ Կայանը արտադրում է Հայաստանում արտադրվող էներգիայի 20 տոկոսը (2014թ. ընթացքում ՋԷԿ-ը պետք է արտադրեր 1.5 մլրդ կՎտ/ժ )։ Կայանը աշխատում է իրանական գազով, որի ամեն խորանարդ մետրի համար Հայաստանը Իրանին տրամադրում է 3 կՎտ/ժ էլեկտրաէներգիա։
