Ոստիկանության պետին հասցեագրված դիմումում քաղաքացին նշել է, որ մեքենան վազանցելու համար չորս երիտասարդները, ովքեր հայհոյել եւ ծեծի են ենթարկել իրեն, ներկայացել են որպես ոստիկանության կենտրոնական բաժնի ծառայողներ:
«4-5 երիտասարդներ վազանց կատարելու համար հայհոյանքներ հնչեցրին իմ հասցեին: Պատասխան հայհոյանքներ տվեցի, որից հետո վերջինները ծեծի ենթարկեցին ինձ, հարվածել են ավտոմեքենայիս եւ կոտրել կողային հայելին»,- նամակում գրել է քաղաքացին:
Ծառայողական քննությունը պարզել է, որ չորս երիտասարդները՝ Տիգրան եւ Լեւոն Սահակյանները, Կարեն Մանուկյանն ու Հովհաննես Եսայանը ոստիկանության ծառայողներ չեն:
Դեպքի առթիվ ծառայողական քննության նյութերը ուղարկվել են ՀՀ Քննչական կոմիտե հետագա ընթացքը լուծելու համար: