Նորզելանդական Օքլենդում BMW-ի դիլերը տեղի բնակչուհի Թիանա Մարշին 1-Series է նվիրել: Կինն արձագանքել է տեղական The New Zealand Herald թերթում հրապարակված կատակ-հայտարարությանը, որում բոլոր ցանկացողներին առաջարկվում էր իրենց հին մեքենաներն առանց հավելավճարի նորով փոխարինել:
Մարշն ավտոսրահ է եկել առաջինը՝ առավոտյան 5:30-ին: Նա ներկայացրել է թերթից առանձնացրած կտրոնը, եւ մենեջերը հանդիսավոր պայմաններում նրան է հանձնել նոր մեքենայի բանալիները:
Ըստ Motor-ի, մեքենայից բացի, Մարշը նաեւ NOF00L համարանիշ է ստացել եւ BMW Driving Experience վարորդական վարպետության դասեր անցնելու սերտիֆիկատ:
Թիանա Մարշի հին ավտոմեքենան՝ 15 տարեկան Nissan Avenir-ը, դիլերն աճուրդի է հանել: Ստացված միջոցները կփոխանցվեն սահմանափակ ֆիզիկական հնարավորություններով երեխաների աջակցության հիմնադրամին: